ជនជាតិឥណ្ឌូនេស៊ីម្នាក់ ត្រូវនគរបាលឃាត់ខ្លួន ពាក់ព័ន្ធករណីជួញដូរនូវសារធាតុ ញៀនខុសច្បាប់ឆ្លងដែនមកកម្ពុជា ជាង៤០កញ្ចប់ធំនឹងតូច
01-April-2019 | ដោយ ពលមនសិការ
ស្ទឹងត្រែង៖ មុខសញ្ញាជួញដូរគ្រឿងញៀនឆ្លងដែនម្នាក់ជាជនជាតិឥណ្ឌូនេស៊ី ត្រូវបានកម្លាំងប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងក្រៀលឃាត់ខ្លួន កាលពីវេលាម៉ោង ១២នឹង៣៥នាទី ថ្ងៃអាទិត្យ ១១រោច ខែផល្គុន ឆ្នាំច សំរឹទ្ធិស័ក្វ ព.ស២៥៦២ ត្រូវនឹងថ្ងៃទី៣១ ខែមីនា ឆ្នាំ២០១៩ នៅចំណុចប្រថាប់ត្រា មុខប៉ុស្តិត្រួតពិនិត្យ ច្រកទ្វារចេញចូលអន្តរជាតិ កម្ពុជា-ឡាវ ស្ថិតក្នុងភូមិកំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង។
សមត្ថកិច្ចបានឲ្យដឹងថាជនបរទេសនេះមានឈ្មោះ NURUL FADLI EKO PUTRO ភេទប្រុស អាយុ៤៣ឆ្នាំ សញ្ជាតិ ឥណ្ឌូនេស៊ី ដោយមានការសង្ស័យក្នុងវាលី សមត្ថកិច្ចប៉ុស្តិ៍បានធ្វើការត្រួតពិនិត្យ និងឆែកឆេរនៅទីតាំង ខាងមុខកន្លែងប្រថាប់ត្រាចេញ-ចូល ក៏រកឃើញ នៅម្សៅក្រាមពណ៌សថ្លា ច្រកក្នុងកញ្ចប់នំគ្រប់ប្រភេទ ដូចជាកញ្ចប់កាហ្វេ កញ្ចប់ស្គរគ្រាប់ កញ្ចប់ប្រដាប់ប្រដាក្មេងលេង សង្ស័យជាសារធាតុញៀន ហើយក៏បានអញ្ជើញសមត្ថកិច្ច ជំនាញ(BLO) ប្រចាំការច្រកទ្វារត្រពាំងក្រៀល មកត្រួតពិនិត្យបន្ថែម ពិតជាសារធាតុញៀន ពិតប្រាកដមែន ទើបឃាត់ខ្លួននឹកកសាងសំណំរឿងបញ្ជូនមកស្នងការខេត្ត។
សមត្ថកិច្ចបានបញ្ជាក់ថាក្នុងករណីឃាត់ខ្លួនជនជាតិឥណ្ឌូនេស៊ីខាងលើ សមត្ថកិច្ចបានដកហូតៈ សារធាតុញៀញខុសច្បាប់ ៤៤កញ្ចប់ធំនឹងតូច ក្នុងវាលីច្រកក្នុងកញ្ចប់នំ ស្ករគ្រាប់ នឹងកញ្ចប់ការហ្វេ វិចខ្ចប់យ៉ាងស្អាត។
បច្ចុប្បន្នជនសង្ស័យត្រូវបានបញ្ចូនខ្លួន មកស្នងការដ្ឋាននគបាលខេត្តកសាងសំណំរឿង បញ្ចូនទៅសាលាតំបូងខេត្ត ចាត់ការទៅតាមនិតិវិធីបន្ត តែពេលនេះជនសង្ស័យឃាត់ខ្លួន នៅស្នងការខេត្តនៅឡើយ ដើម្បីស្រាវជ្រាវបន្តទៀត រកមុខមេឃ្លោងនៅពីរក្រោយខ្នង នឹងបក្ខពួគបន្តទៀត ៕
ចំនួនអ្នកទស្សនា
- ថ្ងៃនេះ8991
- ម្សិលមិញ6261
- សប្តាហ៍នេះ27371
- ខែនេះ142521
- ឆ្នាំនេះ142521
- សរុប20584977